Déter : gwelet ar stirad nevez filmet e Breizh !
10 Here 2023
2 vunut evit lenn
Stirad pemdeziek nevez France TV eo. Filmet eo bet penn-da-benn e Breizh war tachenn al lise labour-douar prevez kozh e Stredell, e-kichen Gwitreg. Gant Déter omp soubet e-barzh buhez pemdeziek skolidi yaouank er rann labour-douar. Gouzout hiroc’h.
![](https://www.bretagne.bzh/app/uploads/deter_affiche_actu-700x390.png)
-
200rann hag a bad 7 munut
-
82%a Vretoned er skipailh teknikel
-
10milion a euroioù a-fet budjed
Ur savadur kozh bet adkempennet penn-da-benn, ur c’hraou-deñved, tiez-gwer staliet a-ratozh : donemat war leurenn filmañ ar stirad Déter, a vo skignet adalek an 3 a viz Here war France TV Slash. Abaoe miz Ebrel ha betek miz Du emeur o filmañ ur stirad hag a gaso ac’hanomp d’ober anaoudegezh gant bed al labour-douar da-heul hentad skolidi yaouank.
An tostañ ouzh bed al labour-douar
“Ur sizhunvezh soubidigezh e-barzh meur a feurm, ur prantad en ul lise labour-douar, ober anaoudegezh gant jestroù ar vicher gant tud a-vicher wirion : an tostañ ouzh bed al labour-douar emañ an aktored yaouank”, a zispleg kenbroduer ar stirad, Augustin Bernard, hon eus gwelet war al leurenn filmañ.
Rak ouzhpenn gwelet tud yaouank etre 17 ha 19 vloaz en o buhez pemdez eo graet ar stirad evit lakaat micherioù al labour-douar war wel war an tu mat ha bezañ an tostañ ouzh ar wirionez war ar memes tro.
En images
![](https://www.bretagne.bzh/app/uploads/IMG_1194-700x525.jpg)
![](https://www.bretagne.bzh/app/uploads/IMG_1893-700x525.jpg)
![](https://www.bretagne.bzh/app/uploads/IMG_2201-700x525.jpg)
![](https://www.bretagne.bzh/app/uploads/IMG_2204-700x525.jpg)
![](https://www.bretagne.bzh/app/uploads/IMG_2210-700x933.jpg)
![](https://www.bretagne.bzh/app/uploads/IMG_2214-700x933.jpg)
![](https://www.bretagne.bzh/app/uploads/IMG_2224-700x933.jpg)
![](https://www.bretagne.bzh/app/uploads/IMG_2226-700x933.jpg)
Ur filmañ merket gant Breizh
Dibabet ez eus filmañ ar stirad en un doare lec’hel, da skouer : 82 % eus ar skipailh teknikel zo eus Breizh. Ha gounidoù ur bern zo evit ar vro : graet e vez war-dro ar boued, al lojeiz peotramant an treuzdougen gant stalioù eus ar vro.
Ar produerezh a c’hall ivez kontañ war harp ar strollegezhioù. Eus tu ar Rannvro e tegasomp ur sikour arc’hant 600 000 € ar bloaz evit an daou goulzad kentañ eus Déter. Harpet eo ar raktres ivez gant kumuniezh-kumunioù Gwitreg, gant 200 000 € ouzhpenn evit ur sikour logistik.
Sellet ouzh ar filmig brudañ
Da c’hortoz ma vo skignet adalek an 3 a viz Here e c’hallit gwelet ar skeudennoù kentañ.
Rannañ :