Distro e vo Gouel Breizh evit ar 14vet bloaz eus an 13 d’an 22 a viz Mae 2022. Da-heul ar galv da raktresoù a oa bet embannet e miz Gwengolo e vo skoazellet 44 raktres abadennoù gant ar Rannvro.
55 framm a oa aet war ar renk evit ar galv da raktresoù lañset en diskar-amzer war-zu an holl a felle dezho kinnig un abadenn evit Gouel Breizh 2022. Rannet e vo ur skoazell war-dro 18 000 € a-berzh ar Rannvro etre ar 44 framm dibabet er bloaz-mañ. Amañ ez it da c’houzout hiroc’h war ar raktresoù choazet !
Pevar zra diazez evit kemer perzh er gouel !
Dibabet eo bet ar raktresoù diouzh dezverkoù e-keñver ar galite : un abadenn savet a-ratozh evit Gouel Breizh, ar perzh pouezus kemeret gant an dud a-youl vat, plas pouezus an arzoù, plas yezhoù Breizh, abadennoù evit ar re yaouank hag ivez levezon an abadenn war an endro. Dav e oa d’ar raktresoù, dreist-holl, kemer meur a dra diazez e kont hag a ya d’ober identelezh Gouel Breizh :
- lodenn ar fest hag ar blijadur o vezañ asambles,
- lakaat perzhioù dibar Breizh war wel ha treuzkas anezho,
- « ober asambles », lakaat an holl da gemer perzh, eus ar mare prientiñ betek deiz an abadenn
- gwrizienniñ an abadennoù en o zakad.
It e-barzh programm 2022 !
C’hwi ivez zo e-sell d’aozañ un abadenn hag a glot gant spered Gouel Breizh ? N’eo ket digoulzet c’hoazh bezañ lakaet e programm 2022 ha profitañ eus ar sikour brudañ kinniget gant ar Rannvro. Evit gouzout hiroc’h, mont e darempred gant fetedelabretagne@bretagne.bzh
Sellit ouzh roll al loreidi !
Aodoù-an-Arvor
- Bulad-Pestivien / Kenseurtiezh laik Bulad / Gouel Breizh
- Dinan / Kuzul Yezhoù Breizh e Dinan / Gouel Breizh e Bro Dinan
- Lannuon / Komite ar festival Nevezamzer ar sonerien/ Festival Nevezamzer ar sonerien
- Lanvealgon / Ti-kêr Lanvealgon / Fest ar Bielloù
- Sant-Brieg / Bonjour Minuit / Lizher digor d’ar gompagnunezh Musiques Têtues
- Sant-Brieg / Telenn / Gouel Breizh
- Sant-Kast-ar-Gwildoù / Ti-kêr Sant-Kast-ar-Gwildoù / Sant-Kast-ar-Gwildoù a lid Gouel Breizh
Penn-ar-Bed
- Brest / Astropolis / Astropolis a lid Gouel Breizh e Kreñv Penfell
- Brest / Plages magnétiques (Penn Ar Jazz) / Sonerezhioù Breizh digor war ar bed
- Brest / Vivre la Rue / Brest La Fest’Yves
- Boneur / Ar gevredigezh ADDES / Produerien Boneur
- Kastell-Nevez-ar-Faou / Ar gevredigezh Jazz Kreiz Breizh / Gouel Breizh
- Gourenez Kraozon / Ar gevredigezh CREPPN – Ti ar maenadoù / Festival Kreiz an Douar
- Douarnenez / Ar gevredigezh Rhizomes / Babel
- Gwimaeg / Son ar Mein / 1522, drast Montroulez
- Kumuniezh-kumunioù Landerne-Daoulaz / Ti ar Vro Landerne Daoulaz / Accordéons-nous
- Lesneven / Ti ar Vro Leon / Gouel Breizh e Lesneven
- Milizag-Gwiproñvel / Div Yezh Milizag / Rando Lipous
- Montroulez / Kerne Leon Treger (KLT) / Gouel Breizh e Bro Montroulez
- Pont-ar-Veuzenn-Kimerc’h / Muzik an Arvorig / Gouel Breizh
- Rosko / Ar gevredigezh Onion Jack Onion / Jack Tour #4
- Sant-Pabu / Ti an Aberioù / Gouel ar Bezhin
Il-ha-Gwilen
- Sant-Suleg-ar-C’hoad / Ar gevredigezh Le Guibra / En-chantez – Krouidigezhioù arzel er gêriadenn
- Baen-Veur / Ti-kêr Baen-Veur / Gouel Breizh
- Bruz / Ti-kêr Bruz / Gouel Breizh
- Dol / Dol Bro an Intrudu / Fest e Dol
- Kankaven / Ar gevredigezh Meurlarjez Kankaven / Meurlarjez Kankaven a cheñch e vaskl hag a daol livioù
- Roazhon / Ar gevredigezh Tiez Breiz / Fest al leur-zi nevez
- Roazhon Meurgêr / Skeudenn Bro Roazhon / Gouel Breizh
- Sen / Fest’Yves Haute Bretagne / Gouel Erwan
- Sant-Maloù / Ar strollad Quic en Groigne Jypsian / Arvest-straed
- Gwitreg / KKSDP Yann XXIII / Fest loc’hañ Redadeg 2022
Liger-Atlantel
- Maodilon / Komite gwinioù Breizh / 9vet Taoliad vreton vras
- Naoneds / Festival Anna Vreizh / Festival Anna Vreizh
- Naoned / Komite lec’hel an oberoù son, hedonegezh ha denelouriezh (CLASSH) / Naoned Breizh Festival
Mor-Bihan
- An Alre / A l’assaut des rues / Sirk en Alre
- Logunec’h / Kreizenn Mor-Bihan Kumuniezh / Avel er c’hoef c’hornek
- An Oriant / Emglev Bro an Oriant / Forom Kevredi’Deiz
- Gwened / Ti-kêr Gwened / Gouel Breizh
E-maez Breizh
- An Havr-Nevez / Bretoned an Havr-Nevez / Gouel Erwan en Havr-Nevez
- Pariz / Ti ar Vretoned / Gouel Breizh Pariz 14vet
- Pariz / Pariz Vreton / Gouel Breizh
- Ar Reünion / Kenseurtiezh Breizh Reünion / Gouel Breizh
- Sent Martòri (31) / Poellgor gevelliñ Sent Martòri / Gouel Erwan
Partager :