Pesked fresk el liseoù
30 January 2025
2 minutes de lecture
E penn-kentañ 2024 e oa bet graet un taol-arnod gant Rannvro Breizh e 10 lise e Kerne. Ar pal : kinnig muioc’h a voued-mor fresk, eus ar vro hag ar mare-bloaz, er c’hantinoù emservij. Bloaz zo e oa bet lañset ha poent eo sevel ur bilañs.
Crédit : Région Bretagne
Ouzhpenn servijout pesked eus Breizh d’ar re yaouank e klasker ivez sachañ o evezh war filierenn ar besketouriezh.
Ur skouer : al liseidi e lise-mor ar Gelveneg a gaso oberoù hanterouriezh da benn evit kelaouiñ al liseoù all e Kerne war filierenn ar besketouriezh hag ar postoù-labour a zo enni : ur c’houlennaoueg war ar boazioù debriñ ha tennañ d’ar sort evit gounid ur weladenn e Haliotika, un atalier gant ur mareour en ur c’hantin emservij evit anavezout gwelloc’h ar spesadoù pesked eus ar vro, brudañ, er preti, ar micherioù hag ar spesadoù a vez tapet… Ar Rannvro a ro 4 000 € evit sikour ar raktres pedagogel-se.
Lakaat ar re yaouank da (ad)kavout saour gant ar mor !
Ouzhpenn servijout pesked eus Breizh d’ar re yaouank e klasker ivez sachañ o evezh war filierenn ar besketouriezh.
Ur skouer : al liseidi e lise-mor ar Gelveneg a gaso oberoù hanterouriezh da benn evit kelaouiñ al liseoù all e Kerne war filierenn ar besketouriezh hag ar postoù-labour a zo enni : ur c’houlennaoueg war ar boazioù debriñ ha tennañ d’ar sort evit gounid ur weladenn e Haliotika, un atalier gant ur mareour en ur c’hantin emservij evit anavezout gwelloc’h ar spesadoù pesked eus ar vro, brudañ, er preti, ar micherioù hag ar spesadoù a vez tapet… Ar Rannvro a ro 4 000 € evit sikour ar raktres pedagogel-se.
Astenn an taol-arnod er 116 lise e Breizh
Da-heul ar weladenn gant ar prezidant hag an dilennidi-rannvro e miz Kerzu e Kemper e oa bet dibabet astenn an taol-arnod-se e-barzh an holl liseoù e Breizh adalek penn-kentañ 2025. Klotañ a ra an ober-se da vat gant ar steuñv oberoù evit an debriñ-mat er pretioù-skol, a vez lakaet e pleustr abaoe 2020 evit pourchas produioù a galite ha prenet er vro d’an holl liseidi e Breizh..
An 10 lise a zo e-barzh ar jeu
Kemper : ar skolaj hag al lise Aogust Brizeug, al liseoù Chaptal, Kerne, Youenn Tepaod, SRDA Louise-Michel
Konk-Kerne : al lise Pierre Gwegen
Pont-’n-Abad : ar gêriad skolioù Reun-Laeneg
Douarnenez : ar gêriad skolioù Yann-Vari ar Brizh
Fouenant : al lise labour-douar Brec’houloù
Triagad : lise-mor ar Gelveneg
Partager :