Prezidant ar Rannvro, Loïg Chesnais-Girard, en doa kinniget ar gouarnamant rannvroel nevez dilun tremenet, unan solutoc’h ha muioc’h c’hoazh e servij Breizh hag an dud o vevañ enni. Ur skipailh nevez ha kresket eo, mennet da seveniñ ar pezh a oa bet kinniget d’ar Bretonezed ha d’ar Vretoned en dilennadegoù e 2021, hag a ouestl labourat evit prientiñ un amzer-da-zont seder ha gwell evit ar vro.
Ur skipailh nevez, ur raktres brasaet
Diazezet eo ar galloud seveniñ nevez war ar skiant-prenet hag ar vailhoni, ha labourat a ray evit an 3 mennozh pennañ-mañ :
- « Bevañ mat e pep lec’h e Breizh, en ur vro yac’h » : un engouestl evit delc’her da reiñ lañs d’ar servijoù publik e Breizh.
- « Muioc’h a bostoù-labour ha nebeutoc’h a garbon » : diorren an ekonomiezh diouzh ar gwellañ a-fet termen ha gallusted.
- « Muioc’h a Vreizh » : er vro kreizennet penn-da-benn m’emaomp, labourat bemdez abalamour da lakaat kreskiñ kefridioù an tiriadoù ha da reiñ lañs d’an diforc’hekaat, da lavaret eo ur gwir zispac’h.
Pevar den nevez er bodad-seveniñ
- Gaëlle Le Stradic, besprezidant evit ar Sevenadur,
- Ronan Pichon, besprezidant evit ar Vevliesseurted, ar Steuñviñ ekologel hag al Lastez
- Kaourintine Hulaud, besprezidantez evit Yezhoù Breizh, ar C’helc’hioù hag ar Bagadoù,
- Olivier Allain, besprezidant evit Kenstagded an tiriadoù.
Ar vesprezidanted hag ar besprezidantezed
- Michaël QUERNEZ : hin ha fiñvusted
- Isabelle PELLERIN : liseoù ha buhez al liseidi
- Arnaud LECUYER : labour-douar ha gounezvouederezh
- Laurence FORTIN : ekonomiezh, industriezh, neveziñ ha strategiezh ar font
- Stéphane PERRIN-SARZIER : arc’hant, koskor, araezioù hollek, Europa hag aferioù etrebroadel
- Anne GALLO-KERLEAU : touristerezh, merdeiñ, glad ha kanolioù
- Pierre POULIQUEN : yaouankiz, kevatalded ar gwirioù, sport ha buhez ar c’hevredigezhioù
- Forough DADKHAH : implij, stummañ hag heñchañ
- Olivier DAVID : buhez ar studierien, deskadurezh uhel hag enklask
- Delphine ALEXANDRE : dour ha yec’hed
- Daniel CUEFF : mor hag arvor
- Gaëlle LE STRADIC : sevenadur
- Ronan PICHON : bevliesseurted, steuñviñ ekologel ha lastez
- Kaourintine HULAUD : yezhoù Breizh
- Olivier ALLAIN : kenstagded an tiriadoù
Partager :